Fish's Blog

უფრო სქელი კანი – ანდრო დადიანის პერფორმანსი

Posted on: May 18, 2017

2013 წლის 17 მაისს, როცა მე თბილისში არ ვიყავი, მოხდა ის, რისი წარმოდგენაც შეუძლებელი იყო ჩემთვის, ჰომოფობიასთან ბრძოლის საერთაშორისო დღეს ქართველებმა ქართველები სასიკვდილოდ გაიმეტეს. ვერ წარმოვიდგენდი ამდენი ჰომოფობი თუ იქნებოდა ქართველი. ადამიანს რომელსაც სექსუალური ორიენტაციის გამო ადამიანის სასიკვდილოდ გამეტება შეუძლია , მხოლოდ ჰომოფობი არ არის, ის კაცთმოძულეა.
ამ ფაქტის შემდეგ საქართველოში აღინიშნება ოჯახის დაცვის დღე, მე მრცხვენია რომ ისეთ ქვეყანაში ვცხოვრობ სადაც საჭიროა იმის აღნიშვნა და შეხსენება, რომ ოჯახს დაცვა სჭირდება. ოჯახს სჭირდება! ოჯახს – და არა პიროვნების თავისუფალ ნებას, სურვილს, პირად ცხოვრებას. ოჯახს სჭირდება მხოლოდ დაცვა.
ამხელა შესავლის გაკეთებას არ ვაპირებდი, გუშინ 17 მაისი იყო, თბილისში ზოგი ოჯახს იცავდა, ზოგი პირადი ცხოვრების თავისუფლებას. ისანში ელექტროვერკში კი ხდებოდა ის რაც ჯერ არ მომხდარა საქართველოში (ან მე არ ვიცი თუ მომხდარა, მაგრამ მაინც არამგონია). თურმე ჩვენც შეგვძლებია (ქართველებს) ხელოვნებით გამოვთქვათ პროტესტი.
გუშინ ელექროვერკში ანდრო დადიანის პერფორმანსში – უფრო სქელი კანი (Thicker Skin) გაიმართა.

IMG_20170517_194427


მინდა თავიდან ბოლომდე გაგიზიაროთ, ჩემი განწყობა და გრძნობები, ხშირად არ ვწერ, მხოლოდ მაშინ როცა ძალიან მინდება სხვასაც ვაგრძნობინო ის რაც განვიცადე. ღია სივრცის ფბ გვერდზე აღმოვაჩინე ივენთი, ვინმე – პოეტი ანდრო დადიანის პერფორმანსის შესახებ, შინაარსმა მეტად დამაინტერესა:
“ანდრო დადიანი თანამედროვე ქართველი პოეტია, რომელიც არც თუ ისე დიდი ხანია გამოჩნდა ლიტერატურულ ასპარეზზე. მისი ლექსები ეროტიულობით და საზოგადოებისთვის სენსიტიური, ტაბუდადებული თემების წინ წამოწევით გამოირჩევა, იგი არღვევს დღევანდელ არტისტულ პროცესებში არსებულ უმოქმედობას ლგბტ საკითხების მიმართ და მისთვის ჩვეული სინაზით, ხან კი დაუნდობლობით აღწერს იმ მახინჯ ყოველდღიურობას, რომელშიც გვიწევს ცხოვრება დღევანდელ საზოგადოებას.
ამჯერად მისი ტექსტები „ღია სივრცის“ მიერ ორგანიზებულ პერფორმანსზე გაჟღერდება, როგორც იმ ადამიანების ხმა, რომლებსაც გარემომ თავიანთი გრძნობებისა თუ სურვილების გახმოვანების უფლება შეუზღუდა.”
ანდრო დადიანზე მხოლოდ მწირი ინფორმაცია მოვიძიე, რამდენიმე ლექსი და ჩავთვალე, რომ ის ჯერ ცნობილი პოეტი არ არის, თუმცა შინაარსმა იმდენად დამაინტერესა, არ დავიზარე და მივედი. სივრცის შესასვლელთან სადაც პერფორმანსი უნდა ჩატარებულიყო, დაცვა იდგა, ცოტა შევშინდი, ნუთუ ისეთი სკანდალური რამ უნდა მომხდარიყო, რომ ორგანიზატორებმა ჩათვალეს რომ დაცვა დასჭირდებოდათ.
დაიწყო.
შევედით ჩაბნელებულ დარბაზში სადაც მხოლოდ რკინის კუბი იდგა განათებული, მივხვდი ყველაფერი ამ კუბში უნდა მომხდარიყო.

IMG_20170517_1955481
ლიფტთან ორი მამაკაცი იდგა, თეთრ პერანგში და შავ ჰალსტუხში. თავიდან ისინიც დაცვა მეგონა, მოგვიანებით მივხდი მონაწილეები იყვნენ.
გაიღო ლიფტის კარი და გამოვიდა ადამიანი ულამაზესი შინდისფერი კაბით და საოცარი თავსაბურავით, რომელსაც წინ ეკრანისმაგვარი ბადე ჰქონდა, ანდრო დადიანის მძიმე სუნთქვის ხმა დინამიკებიდან ისმოდა, ხმა შეცვლილი იყო, მაშინ კი მივხვდი რომ დღეს ვერავინ გაიგებდა ვინ არის ანდრო დადიანი. ორმა ბრუტალურმა მამაკაცმა მიაცილა ანდრო განათებულ კუბამდე, ის მოგვესალმა, ოდნავ აღელვებული ჩანდა და დაიწყო საღამო.

IMG_20170517_195952

ლექსებზე მხოლოდ ისე შემიძლია ვთქვა, რომ ეს იყო მეტად მკაცრი, ამავე დროს გულნატკენი ადამიანის პროტესტი საზოგადოების მიმართ, რომლისთვისაც მიუღებელი ხარ როგორც პიროვნება. მიუხედავად მკაცრი ტექსტისა და შეცვლილი ხმისა, საოცარი სინაზე მოდიოდა მისგან. მუსიკა დაძაბულ და მისტიურ განწყობას ქმნიდა.

IMG_20170517_200123

ანდრო დადიანის ლექსები მხოლოდ სექსუალური ორიენტაციის გამო ჩარგული ადამიანის გულს არ მისწვდება, მისი ლექსები მისწვდება ყველას გულს, მათ გულებს კი განსაკუთრებით, რომელთა ქცევა, ცხოვრება, მუდმივი დაცინვის, ქილიკის საგანი ხდება, მათ გულებსაც ვისთვისაც მიუღებელი საზოგადოების გულგრილობა.
ანდრო ლექსების კითხვას აგრძელებდა, ორი მამაკაცი პერიოდულად გადიოდა, უზარმაზარი რკინის ფირფიტები შემოჰქონდათ, რომელსაც დემონსტრაციულად კუბის ახლოს აგდებდნენ.

IMG_20170517_200646

დამსწრეები გაბნეულნი იყვნენ სივრცეში, ზოგი ადგილს იცვლიდა, კუბის ირგვლივ მუდმივი მიმოსვლა იყო, ანდრო დადიანი კი აგრეძებდა ლექსების კითხვას.

IMG_20170517_200739
და აი კულმინაციური მომენტის მოახლოებაც ვიგრძენი, როცა ორმა მამაკაცმა ხელთათმანები დემონსტრაციულად გაიკეთა და რკინის ფირფიტებით კუბის ამოქოლვა დაიწყო.

IMG_20170517_202253

ეს ყველაფერი იმდენად ლამაზი იყო და ამევე დროს იმდენად დრამატული, რომ ემოციები ერთმანეთს ენაცვლებოდა.

IMG_20170517_202805

IMG_20170517_203156

ანდრო კი არ ჩერდებოდა, მის ხმას ახშობდნენ, იმდენად ემოციური ატმოსფერო შეიქმნა, რომ სიტყვებით ამას ვერ გადმოვცემ, ყოველი დამსწრე ნელ-ნელა კუბთან ერთი-ორი მეტრის სიახლოვეს აღმოჩნდა, როცა ბოლო ფირფიტას აფარებდნენ ისეთი გრძნობა მქონდა, თითქოს ყველას ვინც იქ, იმ დროს იყო უნდოდა ეშველა, გაეთავისუფლებინა.

IMG_20170517_203239

IMG_20170517_203410

ანდრო კი არ ჩერდებოდა, ამტვრევდა კუბს, რამდენიმე წამით შევშინდი კიდეც, რამე ხომ არ უჭირს მეთქი. თავსაბურავს ეკრანი მოხსნა და რამდენიმე წამით დავინახე შავი გრძელი თმა. და უცებ, რატომღაც თავში დამკრა ანდრო დადიანი? თუ ქალი? არ ვიცი ეს რატომ გავიფიქრე.
საბოლოოდ ოთხივე მხრიდან დალუქეს კუბი, ანდროს აღელვებული ხმა, კუბის კედლებიდან მისი გამოღწევის სურვილი ახლაც ჩამესმის. ძალიან ამაღელვებელი იყო ჩემთვის ეს ყველაფერი. როგორ ცდილობენ მოაქციონ თავისუფალი სული ჩარჩოში, ჩაკეტონ, ხმა დაუხშონ, ის კი არ ნებდება და ყველაფერს აკეთებს იმისთვის, რომ თავისუფალი იყოს.

IMG_20170517_203526
მამაკაცები აგრძელებნენ მუშაობას, ჩვენ კი გვთხოვეს დაგვეტოვებინა სივრცე.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Me & Me

არქივი

გამოიწერეთ ახალი პოსტები!
დააკლიკეთ და ახალი პოსტის შესახებ ინფორმაციის მიიღებთ EMAIL-ზე.

Join 401 other followers

Follow Fish's Blog on WordPress.com
%d bloggers like this: